اسئله الانترفيو للتسويق

اسئله الانترفيو

يُعد الحصول علي وظيفه هذه الايام شئ صعب خصوصا بعد كل المتغيرات السياسيه والاقتصاديه فنجد مثلا ان كلمه وظائف خاليه هي المتصدره لعدد مرات البحث في جوجل ويوجد كتير من المواقع والمدونات التي يقوم بها البعض فقط للعمل علي جمله الوظائف الخاليه اذا ما هو الحل لكي تحصل علي وظيفه مناسبه .

اولا لابد من ان تعرف انه حينما تتقدم الي وظيفه فانك تطبق علم التسويق لانك تقوم بالتسويق لنفسك امام صاحب العمل.وحينما تقوم بالتسويق لنفسك لابد من ان تمتلك جميع ادواتك التي تستطيع بها القيام بهذا التسويق من اهم هذه الادوات هي السيره الذاتيه

هيا نتعلم كيف نبني سيره ذاتيه بسيطه وسهله تستطيع بها التسويق لنفسك ولكن بدايه لابد ان نعلم ان السيره الذاتيه تمثل لصاحب العمل الانطباع الاول لكي يعمل معاك انترفيو او لاء.

بلاش حد يفهم اننا كده هنكتب كتاب نحكي فيه عن حياتنا بالطبع لاء لازم تكون مختصره ومفيده فخير الكلام ما قل ودل لان صاحب العمل ممكن يوصله 100 سيره ذاتيه مش هيقرأ كل واحده غير في30 ثانيه لذلك لابد ان تعتمد علي السيره الذاتيه الجيده والمختصره للتسويق لنفسك

السيره الذاتيه لابد من ان تحتوي اولا عن معلومات عنك يفضل بهذا الترتيب

الاسم-رقم الموبايل-العنوان-البريد الالكتروني-الكليه-الخبرات والكورسات-تاريخ الميلاد-الحاله الاجتماعيه-الخدمه العسكريه

البساطه دي هتكون دليل انك حد مركز اوي .مهم اوي ان يكون الميل بتاعك فورمال يعني يدل عليك لو انت دكتور مثلا تكتب dr او مهندس تكتب eng كل ده بيفيدك جدا في التسويق لنفسك . ناتي بعد ذلك لاهم مرحله في التسويق لنفسك وهي مرحله الانترفيو

انت الان وصلك تليفون من الشركه بميعاد الانترفيو اذا ماذا ستفعل؟؟ في البدايه طبعا لازم تهيئ نفسك للانترفيو بمعني انك لازم تذاكر وتعمل الواجب الي عليك اذاكر!!

بالطبع لازم ده يحصل لان من البديهي جداا ان صاحب العمل يقول ازاي اشغل حد عندي متعبش نفسه انه يعرف المكان الجديد الي رايح يشتغل فيه يبقي هتبدأ اولا بتجميع الداتا عن الشركه مجالها وفروعها نوع البيزنس الي بتقوم بيه طبعا مش لازم تنسي تظبط لبسك يفضل طبعا يكون فورمال وتكون ملتزم جدا في مواعيدها ومبتسم وانت في الانترفيو وتكون دايما تبص في عين الي قدامك وتتكلم بثبات بصوت مسموع وواضح لكن تكون متحمس دايما في كلامك وانك بالفعل حابب تنضم لفريق العمل بالشركه لان دايما الحماس بيكون معدي وهتحمس الي بيعمل لك انترفيو انه يقبلك دي خطوه مهمه جدا في التسويق لنفسك

لازم كمان تكون محضر نفسك كويس اوي للاسئله وتتوقع ممكن يسئلك في ايه وما هي افضل الاجابات المناسبه لذلك.

وطبعا لكل مجال يوجد الاسئله المتخصصه اكتر له مثلا اسئله مندوبي الدعايه غير اسئله مسئول التسويق غير اسئله الاطباء لكن جميع الانترفيوهات تتفق جميعها في اسئله ثابته نسبيا نحاول هنا التصدي ليها ومعرفه ما هي اسئله الانترفيوالمتوقعه واجابتها المناسبه

• عرف نفسك او كلمني عن نفسك introduce your self

ده اول سؤال هتتساله هتكلمه طبعا عن شخصيتك باختصار لكن تهتم جداا بمؤهلاتك والمهارات التي عندك التي سوف تفيده اثناء قيامك بالعمل يعني انا فلان خريج كذا اخدت كورسات كذا وعندي خبره اد ايه واقدر اوظف مهاراتي وخبراتي دي اني اقوم بعمل كذا (طبعا هتقوله علي الوظيفه الي انت مقدم ليها)

• تعرف ايه عن شركتنا ؟هتقوله طبعا الداتا الي انت جمعتها وان ده مكان محترم يهمك جداا انك تلتحق بيه

• انت عايز تشتغل هنا ليه؟الشخص الي بيقابلك بيسئلك كده عشان يعرف مستوي طموحك في الوظيفه وهتقدر تنجح فيها ولا لاء طبعا هتقوله علشان انا عندي الامكانيات والمهارات اللازمه للقيام بهذا العمل واني انحج واضيف لهذه الوظيفه

• هقبلك تشتغل هنا ليه؟او ايه الي يخليني اقبلك ؟او ايه فيك مميزعن الناس الي قدمت عشان تشتغل معايا؟ ده طبعا مش سؤال استفزازي ليك هو بس عايز يعرف انت هتضيف ليه ايه طبيعي يكون ردك انك عارف الوظيفه دي بتتعمل ازاي وان عندك المهارات والخبرات اللازمه مش بس للقيام بمهام الوظيفه ولكن ايضا للابتكار والتميز فيها لان زي ما سبق وعرفنا مفهوم التسويق كل افراد الشركه لازم يهتمو بالتميز والابتكار وده هيزود فرص نجاحك في الحصول علي الوظيفه

• ليه عايز تغير الكاريير بتاعك؟ ده سؤال لوانت هتغير مجال عملك رده سهل هيكون لان المجال ده فيه مزايا كتير كذا وكذا واني اعرف اضيف له جديد

• عايز تسيب شركتك ليه؟ده سؤال عادي لازم تتساله بس لازم تكون ايجابي ومش وتذكر عيوب كانت في شركتك القديمه لانك لو عملت عملت كده هبقول انك ممكن تتكلم علي شركته بشكل سلبي في يوم من الايام لازم يكون ردك ايجابي انا كنت مبسوط معاهم وهم ناس محترمه وبيحبوني جداا بس انا حاسس اني تشبعت بالوظيفه دي عايز ادخل تحدي جديد احقق فيه نفسي

• ما هي اهم نقاط قوتك؟ هو عايز يعرف انت شايف نفسك ازاي واثق من نفسك ولا لاء ممكن تقوله اني بحب شغلي اوي مجتهد وطموح لاكبر درجه بتعرف تشتغل كويس اوي تحت ضغط وماهر جدااا وسط فريق العمل

• ما هي اهم نقاط ضعفك؟ طبعا محدش فينا خالي من نقاط ضعف او عيوب لكن نقدر نتعامل ونقول علي نقطه ضعف تكون ايجابيه وتضيف لمركزك قوه زي انك مثلا بتحب شغلك جدا وبياخد كل تفكيرك حتي وانت وسط اسرتك او انك بتاخد وقت شويه اكتر عشان تتاكد ان شغلك 100% صحيح مش فيه اي نقص

• شايف نفسك ايه بعد 5سنوات ؟ بيكون عايز يعرف طموحك اسهل واذكي رد اني اكون مكان حضرتك بعمل انترفيو للمتقدمين الجدد

هناك ايضا بعد الاسئله التي يفضل الاجابه عنها بذكر امثله زي

*ما هي اكبر تحديات قابلتها؟

*اهم نجاح حققته؟

*امتي اشتغلت تحت ضغط وتعاملت مع الموقف ده ازاي؟

دي لابد انك تذكر امثله زي مثلا انك كنت مسئول عن قسم التسويق وعملت ارباح للشركه بقيمه كذا في فتره مثلا 3 شهور

دي كانت اكثر اسئله شائعه في الانترفيو عشان تعرف وقتها تحضر نفسك كويس للانترفيو وكمان عشان تكون مميز جدا في التسويق لنفسك اي وقت وفي اي مكان

» مجموعة من أرخم أسئلة ممكن تقابلكم في الانترفيو
» اسئله انترفيو قسم ميكانيكا